Víkurskóli Vík í Mýrdal

Vortónleikar tónskóladeildar Víkurskóla verða haldnir í Leikskálum fimmtudaginn 10. maí kl. 18:00

Aðgangur ókeypis og allir hjartanlega velkomnir

Kristinn og Kári

Kæru foreldrar og aðrir forráðamenn barna og unglinga í Mýrdalshreppi.

Nú þegar vorið er komið þá taka börnin okkar fram reiðhjólin sín og þeysa um og njóta lífsins.

Þetta er alltaf jafn dásamlegt að horfa á og taka þátt í því að æ fleiri fullorðnir nota nú reiðhjól  daglega.

En einn galli er á þessu máli og er það „tuðið „ eilífa um að nota hjálm.

það virðist vera sjálfsagður fylgifiskur unglingsáranna að hætt að nota reiðhjólahjálm jafnvel krakkar sem að alltaf hafa passað þetta mjög vel framanaf.  Vissulega er ekki bundið í lög að þeir sem eru orðnir 15 ára þurfi að nota hjálm eins og þeir sem að yngri eru.  Ætla ég að leyfa mér að túlka það þannig að það þurfi að segja þeim sem að eru undir 15 ára hversu mikilvægur reiðhjólahjálmurinn er, en við hin sem að erum orðin eldri eigum að hafa vit á þessu sjálf.

En hvað er til ráða til að fá unglingana til að nota hjálm.

Fyrsta skrefi í þá átt er að foreldrar/ forráðamenn barna og unglinga og allir aðrir sem að teljast til fullorðinna láti aldrei sjá sig á reiðhjóli án hjálms.  Ef að við getum ekki verið sjálf með hjálm hvernig  ætlumst við þá til þess að krakkarnir okkar geri það.

Tökum höndum saman, gerum „Töff“ að nota reiðhjólahjálm, og munum að auka höfuð  fást ekki í varahlutaverslunum.

Ragnheiður Högnadóttir

Á morgun þriðjudaginn 1. maí er frí í Víkurskóla en nám og kennsla hefst aftur á miðvikudagsmorgun 2. maí á venjulegum tíma.

Í tilefni af hátíðardagskrá hér Vík næstkomandi miðvikudag 25. apríl, vegna þess að 250 ár eru liðin frá fæðingu Sveins Pálssonar náttúrufræðings og læknis verður heimakstri nemenda í grunnskóladeild flýtt til klukkan 13:30.

 Óskað er eftir að nemendur í 3.- 5. bekk syngi á hátíðardagskránni í Leikskálum (sjá dagskrá í Vitanum). Foreldrar þeirra barna sem munu taka þátt eru vinsamlega beðnir um að koma með börn sín á dagskrána. Betri fatnaður. Ef einhverjir í þessum hópi geta ekki tekið þátt  þá vinsamlega látið  Önnu eða Elínu vita.

Í dag föstudaginn 30. mars hefst páskafrí grunn- og tónskóladeildar Víkurskóla og stendur til miðvikudagsins 11. apríl. Þann dag hefst skólinn samkvæmt stundaskrá. Leikskólinn er opinn eins og venjulega en þar hefst páskafríið á skírdag og stendur til 10. apríl.  

PÁSKAFRÍ