Víkurskóli Vík

Þau Sædís, Auðunn Adam, Hákon og Urður Ósk tóku sér hlé frá æfingum og stilltu sér upp í myndatöku en mikil áhersla er lögð á hreyfingu í námskrá leikskóladeildar Víkurskóla.  Þau Martina og Þorgils sáu um að raða upp og stjórna tímanum.

Victoria Jonsson kom færandi hendi í Víkurskóla í morgun en meðferðis hafði hún bollur handa öllum nemendum og starfsfólki skólans.  Victoria er í leyfi frá kennslu þetta skólaárið en kemur aftur til starfa í haust.  Fyrir hönd allra í Víkurskóla segjum við - kærar þakkir !

Meðfylgjandi mynd sýnir þau mæðgin Victoriu og yngsta soninn, Olof Jóhann Ísólf Karlsson sem hjálpaði mömmu við baksturinn, að eigin sögn.

Í morgun fengu elstu nemendur Víkurskóla (9. og 10. b.) kynningu og fyrirlestur um alþjóðlegu skiptinemasamtökin AFS.  Það voru þær Þórhildur og Þyri frá Hornafirði sem heimsóttu okkur og leiddu okkur í allan sannleika um þennan möguleika sem stendur unga fólkinu okkar til boða.

Nemendur í Suður-Vík standa nú fyrir listsýningu í Arion banka í Vík.  Sýningin opnaði með viðhöfn kl 14 í dag og eru allir hvattir til að kíkja við og skoða herlegheitin en sýningin stendur út febrúar.