Forsíða

Lífshlaupið

Lífshlaupið fór af stað í gær miðvikudaginn 6. febrúar.  Ekki viðraði sérstaklega vel til útihreyfingar í gær en næstu dagar líta betur út. Það er ánægjulegt að nemendur Víkurskóla taka nú í fyrsta sinn þátt í þessu verkefni. Jafnframt er starfsmannahópurinn skráður til leiks undir heitinu Víkingarnir! Markmiðið er að allir nemendur hreyfi sig umfram skólaíþróttahreyfingu 60 mínútur á dag og fullorðnir að minnsta kosti 30 mínútur. Þetta er skemmtilegt verkefni og auðvitað liður í því að Víkurskóli sé heilsueflandi skóli. (höf. Elín)

Lestur í Víkurskóla

Eftir niðurstöður lesfimiprófa í haust ákváðum við í Víkurskóla að leggja enn meiri áherslu á lestur í skólastarfinu. Allir nemendur skólans hafa síðan þá  lesið í eina kennslustund á morgnana. Árangurinn lét heldur betur ekki á sér standa og það er ánægjulegt að segja frá því að ALLIR nemendur skólans bættu sig í lesfimi og sumir tóku risastökk. Af því tilefni hittust nemendur á sal þar sem sagt var frá þessum ánægjulegu tíðindum og allir fengu smá glaðning í tilefni þessa.

Dagur stærðfræðinnar 1. febrúar

Í dag er árlegur dagur stærðfræðinnar. Af því tilefni voru kennarar með allskyns skemmtileg uppbrotsverkefni í stærðfræðitímum dagsins.

Þorrablót Víkurskóla 2019

Ein af skemmtilegu hefðum skólastarfsins er árlegt þorrablót nemenda og starfsfólks. Skólastarf var hefðbundið til klukkan 11:30 en þá hófst borðhald með tilheyrandi þorrakræsingum. Þar á eftir hittust allir á sal skólans og fulltrúar úr nemendaráði lásu upp vandaðan annál  úr skólastarfi síðasta árs. Því næst voru sungin þorralög og þar á meðal okkar sérstaka þorrabrag Víkurskóla en textahöfundurinn er Kolbrún Hjörleifsdóttir kennari og lagið samdi Kári Bjarkar Gestsson fyrrum kennari við tónskólann okkar. Við erum þess fullviss að fáir skólar eiga sinn sérstaka þorrasöng! Eftir þessa skemmtilegu dagskrá á sal, settust nemendur við spil, 1.-5. bekkur spilaði Ólsen-Ólsen og eldri nemendur spiluðu félagsvist. Sæmundur Örn Matthíasson landaði sigri í félagsvistinni og Daði Steinn Jóhannsson vann Ólsen-Ólsen keppnina. Afskaplega vel heppnaður dagur og allir fóru heim með bros á vör. (höf. Elín)

Bekkjarfjör

Heimsókn frá slökkviliðinu

Hressir menn frá Slökkviliðinu í Vík heimsóttu nemendur í 3.-⁠4 bekk.

Nemendur lærðu ýmislegt meðal annars um reykskynjara, brunateppi,
umgengni við kerti og hvernig á að haga sér ef upp kemur eldur.

Nemendi í 3. bekk fékk getraun til að taka með sér heim og vinna með
foreldrum, henni skila hann svo aftur í skólann og fá vasaljós að
launum. Dregið verður úr réttum lausnum eftir 11.janúar og fá þeir sem
dregnir verða út verðlaun frá slökkviliðinu. Við þökkum
slökkviliðsmönnum kærlega fyrir komuna.

Kaffihúskvöldið okkar

Kaffihúskvöldið okkar í Víkurskóla tókst mjög vel og var að venju vel sótt.  Þessi viðburður skólastarfsins er haldinn í tilefni af degi íslenskrar tungu 16. nóvember.

Karl Anders nemandi í 8. bekk og verðlaunahafi Stóru-Upplestrarkeppninnar 2018 las nokkur ljóð eftir Þórarinn Eldjárn. Egill nemandi í 7. bekk og Marton nemandi í 10. bekk spiluðu á gítar ásamt Brian tónskólastjóra. Aðalgestur kvöldsins var Kristín Helga Gunnarsdóttir rithöfundur hún las upp úr nýútkomnum bókum sínum. Það er ekki orðum aukið að Kristín Helga heillaði viðstadda með skemmtilegum upplestri og frásögnum. Við þökkum henni kærlega fyrir að heiðra okkur með heimsókn.

Að dagskrá lokinni buðu nemendur uppá glæsilegt kaffihlaðborð en þeir höfðu bakað allt sem boðið var uppá undir stjórn Victoriu umsjónarkennara 10. bekkjar. (höf. Elín)

Upplýsingar

Símanúmer:

Grunnskóli  487-1242
Leikskóli Mánaland 487-1241

Íþróttamiðstöð 487-1174

Skólabílar:

487-1494

Ingi Már 894-9422

Hjördís Rut 861-0294

Matur

Matseðill

Eyðublöð

Leikskóli

Umsókn um vistun

Breytingar á vistunartíma

Uppsögn á leikskólavistun

Grunnskóli

Umsókn um leyfi nemanda

Einelti tilkynningarblað

Er eyðublöðin í PDF formati. Ef þig vantar acrobat reader þá er hægt að smella hér fyrir neðan

GetAdobe

Stundaskrár
Stoðþjónusta

Skólaþjónusta Rangárvalla- og V-Skaftafellssýslu

Edda G. Antonsdóttir deildarstjóri/kennsluráðgjafi
Ormsvelli 1, 860 Hvolsvelli
s. 4878107 / 8627522
edda@skolamal.is
 
Ragnar S. Ragnarsson sálfræðingur
Suðurlandsvegi 1 – 3, 850 Hellu
s. 4878125 / 8618672
ragnar@skolamal.is
 
Sigríður A. Þórðardóttir, talmeinafræðingur
Ormsvelli 1, 860 Hvolsvelli
s. 4878107 / 8456780
sigridur@skolamal.is     
 
Svava B. Helgadóttir, leikskólaráðgjafi
Ormsvelli 1, 860 Hvolsvelli
s. 4878107 /8618674
svava@skolamal.is  

Á döfinni

Foreldraviðtöl 5. feb.

Þorrablót 30. jan.

samræmdra könnunarprófa í 9. bekk

Mánudagur 11. Mars Íslenska

Þriðjudagur 12. Mars Stærðfræði

Miðvikudagur 13. Mars Enska

Árshátið 10. Apríl!

Erasmus+
Mentor

Hér er hægt að skrá sig inn á Mentor

InfoMentor_RGB_Trans

Ef þig vantar aðgang er hægt að hafa samband við skólann

Forritarar

Myndir